Ç´ka bënë Kuvendi i Kosovës/32
.
Kapitulli 13
Mbrojtja e konsumatorit dhe fshehtësitë personale (intimiteti)
.
Nëni 69
Të drejtat e konsumatorit
(1) Të gjithë personat kanë të drejtë të përdorimit dhe qasjes në shërbimet publike
të telekomunikacionit në baza transparente dhe jo-diskriminuese përgjatë gjithë
Kosovës.
(2) Faturat, kontratat e konsumatorëve dhe shpalljet, me shkrim, verbale, të
regjistruara apo të transmetuara do të shprëndahen në gjuhët zyrtare, pa diskriminim,
sipas ligjeve të Kosovës.
(3) Përveç të drejtave tjera të konsumatorit të parashtruara në këtë ligj, të gjithë
shfrytëzuesit kanë të drejtë për qasje në numrat e telefonit, shërbimet emergjente dhe
shërbimet tjera universale siç kërkohet nga ky ligj.
.
Nëni 70
Mardhënjet kontraktuese dhe kërkesat gjuhësore
(1) Të gjithëa mardhënjet ndërmjet një ofruesi të shërbimeve dhe një klienti do të
përmbyllen në një kontratë me shkrim e cila specifikon kohën e lidhjes, llojet e
shërbimeve të mirëmbajtjes që ofrohen, kompensimi dhe/apo rimbursimi si dhe një
përmbledhje të procedurave për zgjidhen e konflikteve. Sa ka të bëjë me shërbimet me
parapagim, ofruesi i shërbimeve do tu dërgojë kushtet e tija shitësve të tij në teren në
mënyrë që ata pastaj t’i shprëndajnë informatat shfrytëzuesve.
(2) Dispozitat e kontratave të cilat kanë të bëjnë me kompensin dhe/apo
rimbursimin, të bazuara në ndërprerjen e shërbimeve apo reduktimit në qasje, do të
vendosin nivelin maksimal që mund t’u rimbursohet shfrytëzuesve. Niveli maksimal i
rimbursimit për shfrytëzuesit nuk do të jetë aplikativ nëse ky nivel maksimal është në
disproporcion me dështimin e shërbimit dhe dëmtimin e shkaktëuar.
(3) Një ofrues i shërbimeve do të furnizojë ART-in me të gjitha kontratat, nëse
kërkohet. ART-i mund të shqyrtojë kontratën për të siguruar se ajo është në
përputhshmëri me kushtet e përgjithëshme të ofruesit të shërbimeve dhe në rast të
konflikteve.
.
Nëni 71
Specifikimi i hollësishëm i thirrjeve
(1) Me kërkesën e parapaguesit, ofruesit e shërbimeve të telefonisë fikse publike
dhe radio shërbimet publike mobile duhet të bëjnë faturimin e hollësishëm , i cili
duhet të jetë mjaft i detajuar që t’i mundësojë shfrytëzuesit të shërbimeve të telefonit
që thirrjet individuale t’i vërtetojë/verifikoj. Ofruesi i shërbimeve mundet, mirëpo
nuk është i detyruar, që të vendosë në listën e hollësishme edhe numrat pa pagesë apo
numrat e shërbimeve emergjente.
(2) Parapaguesi ka të drejtë të zgjedhë në mes të një apo më shumë niveleve të
faturimit të hollësishëm, të cilat do të definohen nga ofruesi i shërbimeve sipas
kushteve të tij të përgjithëshme.
(3) Çmimet për specifikimin plotësues më të hollësishme të cilat kërkohen nga
ofruesi i shërbimeve për shërbime të tilla do të bazohen në çmimet aktuale të ofruesit
të shërbimeve për përgatitjen e tyre.
(4) Ofruesit e shërbimeve duhet t’i ofrojnë ART-it modelet/mostrat e faturave të
hollësishme, së bashku me kushtet e tyre.
.
Nëni 72
Mos-pagimi i faturave
(1) Të gjithë ofruesit e shërbimeve që i ofrojnë publikut shërbime të
telekomunikacionit duhet të publikojnë në kushtet e tyre të përgjithëshme detajet që
kanë të bëjnë me masat që do të ndërmerren dhe procedurat që do të aplikohen në rast
të mospagesës së faturave.
(2) Ofruesi i shërbimeve i cili i ka përmbushur kushtet e paragrafit (1) të këtij nëni
mund të çkyqë shfrytëzuesin i cili është fajtor për mospagimin e pagesës apo një pjese
të pagesës, sidoqoftë duke marrë parasysh që më parë të jetë dorëzuar një njoftim për
mospagim nga ofruesi i shërbimeve tek shfrytëzuesi në përputhje me kushtete e
përcaktuara në kushtete e përgjithëshme të ofruesit të shërbimeve.
(3) Shfrytëzuesi mund të parashtrojë ankesë apo vërejtje lidhur me faturën, me
kusht që ajo ankesë apo vërejtje t’i dorëzohet ofruesit të shërbimeve jo më vonë se 15
ditë pas pranimit të faturës. Ankesa do të procesohet në përputhje me dispozitat e
nënit 73 të këtij ligji
.
Nëni 73
Ankimi dhe zgjidhja e debatëve
(1) Të gjithëë shfrytëzuesit kanë të drejtë që të parashtrojnë ankesa në autoritetin
apo organin adekuat të krijuar nga ofruesi i shërbimeve publike të telekomunikacionit
apo rrjetave mbi çfarëdo vendimi apo sjellje.
(2) Të gjithëë ofruesit e shërbimeve që bëjnë ofrimin e shërbimeve të
telekomunikacionit publikut, si pjesë përbërëse të kushteve të përgjithëshme të
ofruesit të shërbimeve, duhet të publikojnë një përmbledhje të procedurave të cilave
duhet t’u përmbahet gjatë procesit të adresimit të ankesave të shfrytëzuesve.
(3) Ankesat apo kundërshtimet ndaj një fature duhet të dorëzohen jo më vonë se
15 ditë pas pranimit të tyre, ndërsa ankesat tjera duhet të dorëzohen jo më vonë se 30
ditë pas veprimit të ofruesit të shërbimeve, heqjes së veprimit, apo vendimit i cili ka
shkakëtuar një veprim të tillë.
(4) Ofruesi i shërbimeve do të vendosë mbi vlefshmërinë e ankesës apo
kundërshtimit jo më vonë se 15 ditë pas pranimit të saj.
(5) Në rast se ofruesi i shërbimeve dështon që të mbështesë ankesën apo
kundërshtimin apo dështon që të marrë një vendim gjët periudhës 15 ditëshe, pra
ankuese apo kundërshtuese mund të parashtrojë një apel në ART Brenda 15 ditëve të
ardhshme.
(6) Në rast se një shfrytëzues parashtron një kundërshtim apo një apel në ART
sipas këtij nëni, ofruesi i shërbimeve nuk do të ketë të drejtë që të shkyqë apo të mos i
ofrojë shërbime shfrytëzuesit. Kjo ndalesë do të mbesë në fuqi deri në përmbylljen e
procesit të apeleve.
.
Nëni 74
Konfidencialiteti i telekomunikacionit
(1) Të gjithëë ofruesit e shërbimeve të rrjeteve/shërbimeve të telekomunikacionit
si dhe secili person që merr pjesë në ofrimin e shërbimeve të tilla duhet të mbrojë
konfidencialitetin e telekomunikacionit, dhe ky obligim duhet të mbetet edhe pasi të
jenë përfunduar të gjitha aktivitetet të cilat ata kanë qenë të obliguar t’i ruajnë.
(2) Personat të cilët u janë nënshtruar kushteve të këtij nëni nuk duhet të marrin
informata që kanë të bëjnë me përmbajtjen, faktet apo rrethanat e porosive të
transmetuara duke tejkaluar ashtu edhe minimumin absolut të nëvojshëm për veprimin
e shërbimeve individuale të telekomunikacionit. Këta persona do të kenë të drejtën të
shfrytëzojnë ato informata vetëm për ofrimin e shërbimeve të telekomunikacionit dhe
implementimit të obligimeve të kontraktuara për lidhje.
(3) Të gjithëë ofruesit e shërbimeve të cilët gjatë ofrimit të shërbimeve të
telekomunikacionit, marrin informata lidhur me përmbajtjen e porosive të
transmetuara, apo kopjojnë apo ruajnë porositë e transferuara, duhet të njoftojnë
shfrytëzuesin për atë gjatë nënshkrimit së kontratës apo me fillimin e ofrimit të
shërbimeve të telekomunikacionit dhe duhet t’i shpjegojë shfrytëzuesit arsyet për atë,
dhe duhet t’i fshijë informatat për përmbajtjen e porosisë apo edhe vetë porosinë sa
më parë që të jetë teknikisht e mundshme dhe në momentin që më nuk do të jetë e
nëvojshme për ofrimin e një shërbimi të veçantë.
(4) Të gjithëa format e monitorimit, shpërndarjes, ndërhyrjes/kapjes dhe incizimit
të porosisë të cilat transmetohen përmes shfrytëzimit të rrjeteve dhe shërbimeve të
telekomunikacionit duhet të jenë të ndaluara, të vetmet përjashtime mund të jenë ato
që janë në pajtim me këtë nën.
(5) Marrësi i porosisë mund të incizojë atë, mirëpo duhet të njoftojë dërguesin për
atë apo të përshtatë veprimin e mjetit incizues në atë mënyrë që dërguesi i porosisë të
lajmërohet për këte veprim, përveç kur kemi të bëjmë me shërbime të
telekomunikacionit në të cilat incizimi i porosive nga marrësi është një komponentë
apo qëllim i shërbimeve specifike telekomunikacionit, duke përfshirë këtu porositë në
faks, posta elektronike (e-mail) apo shërbimet e porosive të shkurtëra (SMS).
(6) Përkundër kushteve të tjera të këtij nëni, organizatat të cilat pranojnë thirrje
emergjente mund të incizojnë dhe gjurmojnë ato thirrje për shkaqe të regjitrimit të
thirrjeve emergjente apo identifikimit të thirrjeve bezdisëse.
(7) Nëse një radio sistem, paisje terminale apo paisje tjetër teknike pranon porosi
të cilat nuk janë dedikuar për radio sistemin, paisjen terminale apo paisjet tjera
teknike, përmbajtja e atyre porosive nuk duhet të incizohet apo shfrytëzohet për
çfarëdo qëllimesh dhe duhet të fshihet apo shkatërrohet menjëherë.
.
Nëni 75
Të dhënat e trafikut
(1) Me qëllim të mbajtjes së shënimeve të sakta të faturimit, ofruesit e shërbimeve
mund të mbajnë dhe procesojnë të dhënat në vijim të trafikut deri në momentin kur
janë paguar shërbimet, ka skaduar statusi i kufizimeve, gjegjësisht deri në momentin e
vendimit për kërkesën në rast të konfliktit apo deri në momentin që urdhëri i gjyqit
nuk bëhet i plotfuqishëm:
(a) numri dhe identiteti i thirrësit dhe personit të thirrur;
(b) adresa e parapaguesit dhe lloji i terminalit;
(c) plani aplikativ i çmimeve;
(d) totali i minutave të shfrytëzuara apo matje të ndonjë standardi tjetër;
(e) lloji, data, koha dhe kohëzgjatja e thirrjes dhe/apo sasia e të thënave të
transmetuara; apo
(f) informata të tjera në lidhje me pagesën apo klasifikimin e pagesave, siç
janë pagesat me avans, pagesat me rata, përkujtuesja për shfrytëzuesin,
vërejtjet nga shfrytëzuesi dhe përgjigja për to, si dhe çkyqja e
shfrytëzuesit.
(2) Të gjithëa të dhënat mbi trafikun dhe faturimin duhet të procesohen në pajtim
me kërkesat e konfidencialitetit të nënit 74 (Konfidencialiteti) të këtij ligji apo ligjeve
të tjera të aplikueshme dhe Rregulloreve të UNMIK-ut.
(3) Në rast të konfliktit, të dhënat e specifikuara në paragrafin (1) të këtij nëni do
të jenë të hapura në formë të pashkurtuar për së paku 3 vite pas vendimit të organit
mbi këtë konflikt.
(4) Të dhënat e trafikut që nëvojiten për faturim, menaxhim të trafikut, për
informimin e shfrytëzuesve, për zbulimin e mashtrimit dhe për marketingun e vetë
ofruesit të shërbimeve, mund të procesohen vetëm nga personëli nën mbikqyrjen e
ofruesit të shërbimeve, dhe qasja e tyre në ato të dhëna do të jetë e kufizuar në
minimumin e nëvojshëm për kryerjen e kësaj lloj detyre/pune.
(5) Ofruesit e shërbimeve që bëjnë tregëtimin e shërbimeve të tyre duhet të marrin
pëlqimin/pajtimin e cilitdo person juridik apo fizik të dhënat e të cilit ata duan t’i
përdorin për ato arsye.
.
Nëni 76
Kufizimet në mbledhjen dhe përdorimin e informatave të parapaguesve
(1) Ofruesit e shërbmeve publike të telekomunikacionit dhe rrjetave mund të
mbledhin informatat vijuese personale mbi parapaguesit e tyre
(a) emrin e plotë të parapaguesit , duke përfshirë edhe titullin akademik apo
profesional të përdorur nga parapaguesi, nëse parapaguesi dëshiron ashtu;
(b) emrin e bisnësit të parapaguesit dhe/apo emrin e njësisë organizative;
(c) aktivitetet e parapaguesit, nëse parapaguesi ashtu dëshiron;
(d) adresën e parapaguesit;
(e) numrin e parapaguesit
(f) informata shtesë nëse parapaguesi pajtohet dhe personat e tretë nuk
ndikohen nga këto informata; dhe
(g) numrin tatimor për perosonin fizik dhe numrin tatimor dhe numrin e
regjistrimit për personin juridik.
(2) Ofruesit e shërbimeve mund t’i përdorin informatat mbi parapaguesit e tyre
gjatë krijimit të kontratave, vendosjes së tarifës për shërbime, pregatitjes dhe
publikimit të adresarëve për parapaguesit dhe sigurimin e shërbimeve ndimëse.
(3) Adresarët e parapaguesve, të printuara apo elektronike, mund të përmbajnë
të gjitha informatat e parapaguesve të specifikuara në këtë nen, sidoçoftë duke marrë
parasysh që parapaguesi të japë lejen e tij me shkrim për publikimin e informative të
tij. Informatat tjera të specifikuara në këtë nen mund të publikohen vetëm me lejen me
shkrim të paraguesit
(4) Ofruesit e shërbimeve do të korigjojnë, shtojnë, shlyejnë apo të rishkruajnë
informatat që gjinden në adresar, me kërkesën e parapaguesve, pa pagesë, informatat
në adresarë do të jetë të freskëta, dhe të dhënat në shërbimet ndihmëse për adresarë do
të freskohen së paku 1 herë në muaj.
(5) Më kërkesën e një personi apo firme e cila dëshiron që të publikojë një
adresar, ofruesi i shërbimeve, vetëm për një qëllim të tillë, do t’i sigurojë informatat
mbi parapaguesit që nuk i kanë kundërshtuar publikimit në adresar.
(6) Ofruesit e shërbimeve publike të telekomunikacionit dhe rrjetave do të
sigurojnë informata pa pagesë mbi parapaguesit për ART-in, ndërsa për personat tjerë
me qmim të arsyeshëm dhe me kushte jo-diskriminuese.
(7) Me përfundimin e mardhënjes parapaguese, ofruesit e shërbimeve do ti ruajnë
informatat e specifikuara në paragrafin (1) të këtij nëni deri sa parapaguesit t’i
kryejnë detyrimet e tyre apo derisa të përmbyllen procedurat gjyqësore, dhe do t’i
ruajnë faturat në përputhje me ligjin aplikativ.
.
Nëni 77
Gjurmimi i thirrjeve
(1) Ofruesit e shërbimeve dhe rrjetave publike të telekomunikacionit, në rast të
thirrjeve bezdisëse apo atyre dëmtuese të bëra parapaguesve të tyre, mund të
identifikojnë thirrësin, pa marrë parasyshë pranimin/dëshirën e të dytit.
(2) Nëse parapaguesi kërkon gjurmimin e thirrjeve bezdisëse apo dëmtuese,
ofruesi i shërbimeve dhe rrjetave publike të telekomunikacionit duhet të organizojë
gjurmimin, apo për thirrjet e reja përkohësisht pamundësojë shfaqjen e numrit të
identitetit të thirrësit.
(3) Ofruesi i shërbimeve do t’i ruaj informatat mbi gjurmimin dhe do t’ia përcjell
ato parapaguesit, duke marrë parasyshë kushtet dhe mënyrën e specifikuar në këtë
ligji, si dhe autoriteteve të Kosovës në lidhje me proceset preliminare dhe ato penale
për mbrojtjen e sigurisë në Kosovë.
(4) Ofruesit e shërbimeve dhe rrjetave publike të telekomunikiacionit duhet të
pamundësojnë mundësinë e mos-shfaqjes së identiteti të thirrësit për lidhjet
individuale në bazë të kërkesës së autoriteteve pëkatëse të Kosovës.
< 31 |
faqe - 32 - |
33 > |