Ç´ka bënë Kuvendi i Kosovës/151

 
 
   Neni 12
   Vlerësimi i pronës
   12.1 Ministria e Financave dhe e Ekonomisë duhet të lëshojë një udhëzim
   administrativ me të cilin parashtrohen standardet unike të vlerësimit sipas të cilave
   komuna e vendos vlerën e pronës në treg.. Standardet përfshijnë variablat relevante të
   vlerësimit siç janë vlera në pajtim me kontratën e shitjes së pronës së paluajtshme, e
   vlerësuar nga organi kompetent, të ardhurat të cilat krijohen nga prona, shpenzimet e
   ndërtimit, vendi, madhësia dhe gjendja e pronës. Standardet do të bazohen në një
   vlerësim të përgjithshëm, pos rasteve kur prona shfrytëzohet për qëllime të veçanta ose
   për pronë unike.
   12.2 Çdo komunë e përcakton vlerën e tregut të pronës që është nën juridiksionin e saj
   në pajtim me standardet e përcaktuara në përputhje me nenin 12.1.
   12.3 Komunat e shqyrtojnë dhe e përcjellin vlerën e tregut të çdo prone që është nën
   juridiksionin e tyre për çdo tre ose pesë vjet.
   12.4 Komunat e rivlerësojnë pronën çdo vjet nëse janë kryer ndërtime të reja ose
   përmirësime thelbësore në pronë dhe nëse ekziston ndonjë ndryshim në shfrytëzimin e
   pronës.
   12.5 Pronari ose shfrytëzuesi i pronës mund të kërkojë nga komuna rivlerësimin e
   pronës kur prona ka pësuar dëm për të cilin nuk është shkaktar ose përgjegjës pronari apo
   shfrytëzuesi, siç janë dëmet që mund të ndodhin nga thatësia, vërshimi, zjarri, tërmeti,
   lufta ose katastrofat e tjera.
 
 

< 150

faqe - 151 -

152 >