- Më thuaj Dajë ! -
i tha Derri një miushi kërthi,
po kokëfortë kishte qëlluar
i gjori mi.
- Të them Derr, siç je, o i uruar ! -
ia plasi miu i zemëruar.
Ndaj mori Derri inat
dhe në govatë
nuk i la asnjë thërrime.
Miu mbeti keq,
u lig, u tret e bëri fir ...
Derri inatçor bënte sehir
e qeshte si dreq ...
Miut i bënë zorrët demonstratë
krejt barku iu ngrit kokës
në revoltë.
Dikur u dorëzua kokëforti mi,
i tha Derrit - Dajë ! ...
Derri u kënaq. Qeshi : Hi, hi, hi !
Dhe la ca thërrime miu t’i hajë.
I mjeri mi,
mbeti skllav i tij ...
|
