Kushtetuta e përkohshme e Kosovës/Harmonizimi i dispozitave të UNMIK-ut me Kushtetutën e Përkohshme të Kosovës

Neni 15

Kuvendi i Kosovës do të nxjerrë deri më ___________ :

1. Ligjin mbi zgjedhjen dhe revokimin e deputetëve të Kuvendit të Kosovës dhe të kuvendeve komunale dhe të Qytetit të Prishtinës;

2. Ligjin mbi Qeverinë e Kosovës;

3. Ligjin mbi organet e administratës së Kosovës;

4. Ligjin mbi gjykatat;

5. Ligjin mbi prokuroritë publike;

6. Ligjin mbi Ombudspersonin e Kosovës;

7. Ligjin mbi procedurën para Gjykatës Kushtetuese të Kosovës;

8. Ligjin mbi Bankën Qendrore të Kosovës;

dhe ligjet e tjera relevante.

Neni 16

Ditën e hyrjes në fuqi të këtij Ligji mbeten pa fuqi këto akte të UNMIK-ut:

1. Rregullorja mbi Kompetencat e Administratës së Përkohshme në Kosovë (UNMIK/REG/1999/1);

2. Rregullorja mbi Ligjin në Fuqi në Kosovë (UNMIK/REG/1999/24);

3. Rregullorja mbi Amendamentin e UNMIK-ut Nr. 1999/1 për Admninistratën e Opërkohshme në Kosovë (UNMIK/REG/1999/25);

4. Rregullorja mbi Strukturën e Përbashkët të Përkohshme Administrative të Kosovës (UNMIK/REG/2000/1);

Neni 17

Deri më ___________ duhet të harmonizohen me Kushtetutën e Përkohshme të Kosovës të gjitha Rregulloret e tjera të UNMIK-ut.

Neni 18

Ky Ligj hyn në fuqi njëkohësisht me shpalljen (nxjerrjen) e Kushtetutës së Përkohshme të Kosovës nga Përfaqësuesi Special i Sekretarit të Përgjithshëm të OKB-së.