Vitviteja/Lasgush Poradeci/Vallja e luleve

VALLJA E LULEVE

Vijnë vashat valle-valle, gushë-e-gji-stolisura, Një pëllumb, një sy sorkadhe Seç vjen më e mbodhisura. Ç'm'i ka hije shtat' i hedhur, Hije kraharuari, pa fillon me zë të dredhur motra së kënduari: Ju që niseni për lule, Shoqe, moj, të mijëza, merrmëni as edhe mua ndër pyje korijëza; Pritni, moj, të vij dhe unë maleve, lëdinave ndaj shkëlqen pa të përdhunë filli i trëndelinave.

Në mos diça të bëj tufë, shoqem ju dëgjomëni: bëni moj, një tog me lule dhe ndër to mbulomëni. Në ju pyeçin për mua: Ç'u bë flokbanusheja? Thoni, se në një përrua e zu gjarpërueshja. Thoni se ndaj një burimi më te patë fluturën: thoni se ç'e zuri trimi atë belkëputurën.

---