- Arratisur, syrgjynosur,
- Rraskapitur dhe katosur
- Po vajtoj pa fund, pa shpresë,
- Anës Elbës, anës Spress-së.
- Ku e lamë e ku na mbeti,
- Vaj vatani e mjer mileti,
- Anës[2] detit i palarë,
- Anës dritës i paparë,
- Pranë sofrës i pangrënë,
- Lakuriq e i dregosur,
- Trup e shpirt i sakatosur!
- Seç e shembën derbederët,
- Mercenarët dhe bejlerët,
- Seç e shtypen jabanxhinjtë,
- Seç e prenë e seç e vranë,
- Ç'e shkretuan anembanë,
- Nën thundrën e përdhunës
- Anës Vjosës anës Bunës.
|
