Ani m´i vinë msitët rena rena
------------------------------
Ani m´i vinë msitët rena rena.
Dil Mehmet Aga shtni mrena,
Ani shtini mrena, od me xhama,
Edhe epu kafe me filxhana.
Kaçaniku i Vjetër
fq. 35, kënga 55.
Ani, po vjen msiti tu'lujtën me sorra
--------------------------------------
Ani, po vjen msiti tu'lujtën me sorra,
Na i ka lypë kmishën me oja,
Na kmishën me oja ta kena marue,
Msit o të lumtë goja na ke gzue!
Ani, na ke gzue me ni fjalë,
Ani, të gzoftë zoti ni gjalë!
Kovaçec - Trimor
fq. 34, kënga 53
Baba i nuses vet' na ka lutë
--------------------------------
Baba i nuses vet' na ka lutë.
Vet' na ka lutë, deri te dera,
Se i kemi gjemtë si dilbera.
Vet' na ka Iutë deri te lama.
Se i kemi gjemtë shkollovana.
Kotlinë- Lumbardh
fq. 16, kënga 4
Baba i nusës burri qi ish kanë
------------------------------
Baba i nusës burri qi ish kanë,
Pa ia lyp na çikën, vetë na i ka dhanë,
Vetë na i ka dhanë, vetë ka çue fjalë,
I ka marrë Iakmi shpijes tonë të marë.
I ka marre lakmi ai Hetem Agës të ri,
Pesqin copa dhen e treqin copa dhi,
Tridhet' frymë lopë e nizet kuaj,
Pes' hekter me grunë e gjasht' hekter me mal.
Rekë - Malësi
fq. 31, kënga 47
Bilbili me vijë moj çikë
--------------------------------
Bilbili me vijë moj çikë,
Bilbili me vijë,
Do t'i zana nuse gjalit,
Për vitin e ri.
Do t'i zana nuse në të korra,
Kur të dale gjali nga shkolla
Do t'i zana nuse gjalit, frik e frik,
E kemi gjalin e ri, pa ba askerllik
Do t'i zana nuse gjalit, nji vetullhollë,
Se e kenti Premtim Agën, ni gjalë me shkollë.
Kotlinë-Lumbardh
fq. 23, kënga 25
Bilbili në lamë bilbili në lamë
--------------------------------
Bilbili në lamë bilbili në lamë
Nuse Fatmir Agës do t'i zamë
Nuse do t'i zamë kodër n'kodër,
Jo edhe nej vet se asht i vogël.
N'koft i vogël do të rritet,
Atëherë baba i vet do t'harxhitet.
Kotlinë-Lumbardh
fq. 20, kënga 19
Bilbili në lamë bilbili në lamë
--------------------------------
Kur të shkojsh për udhë moj çikë
Greje pak shamijën
Kthe te dera e Isak Agës
E kshirja avlijën.
Avlija e Isak Ages,
Plot me lule t'bardha,
Nuk e di be Isak Aga,
A po m'ep baba.
Avlija e Isak Agës, plot me jargovana,
Nuk e di be Isak Aga, a m'ep nana.
Kotlinë-Lumbardh
fq. 21, kënga 20
Do të kërkojmë tanë verës
--------------------------------
Do të kërkojmë tanë verës,
Ta gjajmë nusen si e kemi derën,
Do ta nxerrim nusen te molla,
T'na vijnë bijat me kmisha t'holla,
Po na lutin nuse për me zanë,
Na e lipim dhc e dojm' për mallë,
T'ja jap nanës teme që ka ni gjalë.
Biri gjalë të mirës si uki në dhenë.
Shko e merre me zor, se me qef s'po ven.
Vataj
fq. 17, kënga 8
Dranafill nër hije bilbil në lamë
-------------------------------------
Dranafill nër hije, bilbil në lamë,
Kemi Arbër Agën, nuse do t'i zamë.
Nusen do t'ja zamë, ni lulemolle,
Do t'ja zgjedhim hanëm pi Stagove.
Kotlinë-Lumbardh
fq. 22, kënga 23
Dy molla të kuqe në bajrak
--------------------------------
Dy molla të kuqe në bajrak,
Kush të ka thanë Lulije Faruki asht plak?
Nuk më asht plak po më asht fudull,
Më hecën Faruk Aga me setre pantull.
Me setre pantull havërdari,
Qashtu i ka thanë nana ati,
Ta Iëshojë frizuren përreth ballit,
Qashtu i ka thanë nana gjalit,
Ta lëshoje frizuren përreth sajnit
Qashtu i ka thamë motra traimit.
Glloboçicë-Qafëshqipe
fq. 17, kënga 9
Dyert e Besnik Agës me magnet
--------------------------------
Dyert e Besnik Agës me magnet,
Kur t'vjen limuzina çelen vet.
A e ke pa Besnikun najherë,
E kam pa në limuzinë,
Kah shkon udhës për Kotlinë.
Kotlinë-Lumbardh
fq. 28, kënga 37
Fluturoj bilbili malit, lshoj një tub' penla
--------------------------------
Fluturoj bilbili malit, lshoj një tub' penla,
E heka perdën kshira, ish Zekia mrena.
Shka punon në odën teme mori shtathajrak?
Ja shkruj letrat Naim Agës, shum' jam ba merak,
Shka ban ti në odën teme. Zekie delie?
Ja shkruj letrat Naim Agës me penkallë mavie.
Pustenik-Puset e Nikës
fq. 24, kënga 29
Fryni era e reshi bora
------------------------------
Fryni era e reshi bora
Vëllait tonë i erdh dora.
I erdh dora edhe fjala.
Për hajr të koft' efeni baba.
Pusteniku-Puset e Nikës
fq. 31, kënga 46
Guri bije kah dera e shpisë
--------------------------------
Guri bije kah dera e shpisë
Shka i lakmove pasurisë.
Mos e kshyr mallin
Po kshyre gjalin.
Malli hargjohet me gjalë jetohet.
Këngët dy vargjeshe këndohen dy ose më shumë herë.
Bob
fq. 16, kënga 7
Hajdi çika ta knojna syshkrumen
--------------------------------
Hajdi çika ta knojna syshkrumen,
Vllaut tonë t'ia urojmë t'fejumen.
Hajdi çika ta knojna syzezën,
Vllaut tonë t'ia urojmë fejesën!
Vllau jonë, moj, në Gjermani,
E marrim nusen moj si hyri.
Hajde të rrokim vallen me llokuma,
Lumet na, moj, na erdhi e shtuna.
Hajde të rrokim valle me mindila,
Lumet na, moj. na erdhi e dilla.
Treqin krushq lule në sërnishta,
Kanë varë pushkë moj nëpër lisa.
Lulja jonë po kan, na po knojna,
Me dimi me tela po e mashtrojna.
Begracë
fq. 26, kënga 32
Hipi agobaba kalit t'shalës
--------------------------------
Hipi agobaba kalit t'shalës;
Dil kërkoj nusc Mentor Agës!
Dil kërkoj nuse n'katun e n'midis.
Se vetë cauca punën e kish nisë.
Dil kërkoj nuse n' katun e ni qosh,
Se vetë cauca punën e kish sosë!
Kotlinë- Lumbardh
fq. 15, kënga 3
I mora ojat e bardha dola te livadhi
----------------------------------------
I mora ojat e bardha dola te livadhi,
Më veti Hilmie hanmi, veti si asht gjali;
Më veti si asht glali mori vetëll hollë
Vetë e ke zgedh moj hanëm nër at mollë,
Me veti si asht gjali, mori vetëll trashë,
Vetë e ke zgedh, moj hanëm vetë e ke dashtë.
Glloboçicë-Qafëshqipe
fq. 28, kënga 38
Ka ra Naser Aga rreth ni hije
----------------------------------------
Ka ra Naser Aga rreth ni hije,
I ka ardhë ni dor'-o hiç pa dije;
Ani, hiç pa dije çap e rrap
Thot efeni baba: - S'kam shka i ap.
-Epja efeni baba ni lirë t'kuqe,
se nuk asht kollaj-o me zanë nuse.
Epja hanëm nenja ni lirë t're,
Se s'asht kollaj me zanë re.
Kaçanik
fq. 28, kënga 39
Ka ra dielli mori couco dil e rri në shkallë
-------------------------------------------------
Ta ka vu Ismail dilberi nishonin në ball'
Nishonin në ball do të t'marre,
Se mi ije couca e derës madhe.
Nishonin në ball oj e heshme,
Merre Ismail agën me të deshme.
Shkon nana në darsëm e unxhet n'krye t'odës,
Po i thot cucës, delije oj bija e nonës,
E kam nona Agim agën, pa kurrni behone.
Oj bija e nonës kane shum e re,
T'i të kom begjenis për gjalin due të boj re.
Glloboçicë-Qafëshqipe
fq. 23, kënga 26
Ka ra mjeglla burg e zezë
--------------------------------
Ka ra mjeglla burg e zezë, havaja gjëmon,
Pse bre Hamdi Aga shkust nuk m'i con.
Kur t'mi çojsh shkust, çomi rotela,
Ne t'ja marrim menën nanës, kur të hin' te dera.
Kur t'm'i çojsh shkust, çomi shkollovana,
Ne t'ja marrin menën babës kur të hin' te láma.
Kotlinë-Lumbardh
fq. 22, kënga 24
Kemi shti dy msitë si dy komita
------------------------------------
Kemi shti dy msitë si dy komita,
Kanë me na pru' durën pa dalë drita,
Pa dalë drita e pa u ba sabah,
Po thotë aga baba, ejvallan.
Ani fryni era, na u rrxue talla
Ani po na vjen ni msit budalla
Ani s'asht budadlë, por fukara,
As tirqit me Iesh ai nuk i ka.
Ani u hungj misiti te dallapi,
Krisi murmurima për oxhaki.
Ani vetni, vetni ka e qëlloi
Ani, kryemsitin e plagoi.
Ka ardhë giali i msitit n'kapixhik;
Babë lum baba, rujma ni kaçik
Hajt, more bir, hajt, ti shko me lopë
Baba ty kaçikin ta bje n'shokë.
Kaçanik
fq. 35, kënga 56
Kena zanë ni nuse ngat e ma ngat
--------------------------------
Kena zanë ni nuse ngat e ma ngat
Do t'ia bajna myzhden o nie salltanat,
Na ka bi ni lule me ni gardh
Hanëm nana reja t'koft' për hajr,
T'koft' për hajr e me nafak',
Kemi zanë syzezën për merak.
Gabrrica
fq. 27, kënga 36
Kena zanë nuse ngat e ma ngat
--------------------------------
Kena zanë nuse ngat e ma ngat,
Do ta bajna myzhden shumë me salltanat,
Shumë me salltanat, e me dije,
Jena kallabllik e na ka hije.
Jena mledhun o, jena tubue,
Vëllain tonë o, jena tue fejue!
Kaçanik
fq. 27, kënga 34
Knoni çika knoni
-----------------------
Knoni çika knoni,
Se na shkoj kjo ditë,
Lumet na lë lurnet.
Qeta e kena pritë.
Knoni çika knoni
Se na shkoj kjo natë
Lumet na të lurnet.
Kena zanë kunatë.
Kaçanik
fq. 29, kënga 41
Kravata e kuqe me shqiponja
------------------------------
Kravata e kuqe me shqiponja t'zeza.
Ore vllai jonë urime fejesa,
Urime fejesa e u trashigofshi
O jetën e lumtun s'bashku e kalovshi,
O jeten e lumtun s'hashku e kalofshi.
Vataj
fq. 30, kënga 43
Krisi kapixhiki lehi qeni
----------------------------------------
Krisi kapixhiki lehi qeni,
Po thotë vllai i jonë msiti i jemi,
Hajde msiti jonë o ardhsh i bardhë,
Boqja jote palë përmi arkë.
Ani po vjen msiti udhës kuqe,
Ani do të ja presim pulën klluqe.
Ore msiti jonë o msiti i ri.
Ani kush t'ka thanë o msit me hi.
Kërkush s'um ka thanë, po vet' kum hi.
Se m'ka metë gruja pa dimi.
Mos na daltë nusja msit qysh ke thanë,
Ore msit i jonë t'u theftë ni kamë.
Ani jo veç njana po të dvjat.
Ani mos me mujtë ti me shku te shpija.
Ore msiti jonë o krye kepë.
Ani për ni lirë ti koke zatet.
Ore msiti jonë o krve lakën,
T'marroftë zoti tv me gjithë plakën.
Ka ardhë msiti tu'lujtën me sorra
Ja kena marue kmishën me oja.
Kmishën me oja ta kena marue,
Të lumtë goja msit se na ke gëzue.
Ka ardhë gjali msitit n'kapixhik
Ban lum baba ruma ni kaçik,
Ani hajt or birë ti shko me lopë
Se baba kaçikin ta runë n'shokë.
Kovaçevc- Trimor
fq. 36, kënga 57
Ku e begenise Lulije ket' ven
------------------------------
Ku e begenise Lulije ket' ven,
Unë e begenisa oborrin me pemë,
Oborrin me pemë ku e ke pa,
Kur jam kanë e vogël, kah dera kam ra,
Ka dera i kam ra unë e mjera,
Se kam ditë se aty është vjerra.
Ka dera i kam ra unë e ngrata.
Se kant dite, se ju baj kunata.
Nikaj
fq.30,kënga 44
Kur ta morëm dorën Lule
--------------------------------
Kur ta morëm dorën Lule,
Kujna i erdh ma keq,
Çaj baba derri kcejke si dreq.
- Kce dreqo, kce deri në tra,
Se korkush gajle nuk ta ka!
Ivajë
fq. 16, kënga 6
Kur ta morëm dorën Lule
--------------------------------
Kur ta morëm dorën Lule,
Kujna i erdh ma keq,
Qaj baba derri kcejke si dreq.
- Kce dreqo, kce deri në tra,
Se korkush gajle nuk ta ka!.
Kce ore baba i nuses he kaurr,
A kujtove se s'ven dita kurr'?
Ani dita jonë na ka ardhë,
Ani lis me rrema kena me mart'.
Ivajë
fq. 25, kënga 31
Kush po i bije gitarës karshije
--------------------------------
Kush po i bije gitarës karshije,
Lilzim Agës, i ka hije.
Me syza n'sy, me syza n'sy:
-Hiqi syzat, o vlla, ll çorrove,
Se çikat e Nikajve i tranove!
-U tranofshin, e marshin malin,
Kjo Lulija e dashunoi gialin.
U tranofshin e e marshin detin,
Kjo Lulija e ka pas kysmetin.
Kaçanik
fq. 31, kënga 48
Kush po shkon rreth zabelit
------------------------------
Kush po shkon rreth zabelit.
Myzhdexhit' e Fadil begit,
Po del baba ep selam,
I jep kafe me filxhan.
Llanishta-Linishta
fq. 30, kënga 45
Lumja motra shumë jam gzue
--------------------------------
Na u ba vllau me martue;
Pa e martue s'do ta lamë,
Për tri ditë nuse do t'i zamë,
Mos shkoft' java as tri ditja,
Për Enverin na ardht myzhdja.
Mua shkoft' mueji as mos shkoft' java,
Për Enverin na ardhtë fjala.
Kotlinë-Lumëbardh
fq. 18, kënga 13
Muer çantën Besnik Aga
--------------------------------
Muer çantën Besnik Aga,
Duel shkoj ka shkolla,
I kan' dal' gjalit përpara,
Nja dy midis holla.
S'di shka me t'kallxue.
Hala jam i ri moj nanë,
S'jam për t'u martue.
Nja dy midis holla,
S'kam shka me ju thanë,
Hala jam i ri moj nanë,
S'jam nuse me zanë.
Runevë
fq. 21, kënga 21
Na ka bi ni lule te bunari
--------------------------------
Na ka bi ni lule te bunari,
Vllain tonë e feju'm ma s'pari
Na ka bi ni lule me ni gardh,
Agababa reja t'koft' për hajr,
Reja, t'koft' pë hajr e me nafakë.
Lumët na të lumët kena zanë kunatë.
Bob
fq. 29, kënga 42
Na ka hypë Lulija me ni thanë
------------------------------------
Na ka hypë Lulija me ni thanë,
Kur ka shku' te shpija e kanë dhanë,
Hajt moj bijë mos u ban merak,
Ta ka zgjedh' nana venin të bajë rahat.
Gorancë-Guranë
fq. 29, kënga 40
Ni mollë e ni ftue, o ni ftue
--------------------------------
Ni mollë e ni ftue, o ni ftue,
Kemi Duard agën, pa fejue.
Edhe pa fejuec, na s'e lana,
Nuse pi Stagove, do t'i zajna,
Edhe do t'ja zajna, ni lë heshme.
Nusen do t'ja zgjedh' motra e vete.
Kotlinë-Lumbardh
fq. 15, kënga 2
Nisu msiti jonë si je nis
--------------------------------
Nisu msiti jonë si je nis,
Boqja jote t'u ka qenis!
Krejt t'u ka qenis allafranga,
S'um pe qet prej arke hanum nana
Duraj
fq. 34, kënga 52
Oj Lulije, gjylpan' e gergefil
--------------------------------
Oj Lulije, gjylpan' e gergefil,
Ta kina vnu' menën pi pes' vetit.
Pi pesë vetit na u ke dok' e mir',
Ta vnojna pesëlirshin me zingjir.
Kaçanik
fq. 15, kënga 1
Oj Lulije hanëm sa e mira
--------------------------------
Oj Lulije hanëm sa e mira,
Ta kena vu' sajnin qe pesë vet,
Ene pi pesë vet që je kanë e mirë,
Do ta vejmë peslirshin me zinxhir.
Hani i Elezit
fq. 18, kënga 12
Oj e mairë pemë nëpër pemë
--------------------------------
Oj e mairë pemë nëpër pemë
Hajde e mairë merre gjalin tem,
Ani si për hije si për punë,
Gjali shkollovan lumja unë.
Glloboçicë-Qafëshqipe
fq. 26, kënga 33
Ore Hazir Aga, gjalë Stagove
--------------------------------
Ore Hazir Aga, gjalë Stagove,
Greje gjalë tallasin se u qorrove,
Cucat e Kosovës i hutove,
Nja do të marrësh, qerat i mashtrove.
Bob
fq. 17, kënga 10
Ore Naim Aga gjalë qehaje
--------------------------------
Ore Naim Aga gjalë qehaje,
Nuk jemi për çikë fukaraje,
Ni koritë me tesha s'din t'i laje.
Çika e fukaras' do të ven' te unë,
Nuk din me korr'fushën me grunë.
Kotlinë-Lumbardh
fq. 20, kënga 18
Ore Osman aga yll i dritës
--------------------------------
Shka i lakmove qasaj çikës
Unë i lakmova qasaj çikës,
Ish e bardhë si milli fabrikës
Si milli fabrikës po vetojke,
Si hana si dilli po rrezojke.
Hajde. oj Luli, hajde ma.
Qyeqe nanën ku ta la?
Qyqe nanën merre e hajde kha,
Se e çojna rrogtoreshë me gja.
Si mos t'dijt me na i rujt' lopt',
Kur t'ven n'shpi, ia shkulim flokt'.
Janë mledhë ni tubë çika në livadh.
Po i thonë njana tjetrës;
Osmanin unë e marr.
Ani thotë Lulija, unë se unë,
Se asht Osman Aga si llokum.
Dubravë
fq. 25, kënga 30
Ori Shefije sa mirë ta bana
--------------------------------
Ori Shefije sa mirë ta bana,
Që s'të lash me nejt' te nana.
Ori Shefije s'po me zen gjumi,
Për at gojë si llokumi.
Ori Shefije e kuqe si molla,
Sytë e zez, vetllat e holla.
Ori Shefije dallapin e naltë,
Fol e kesh gojën si mjaltë.
Kur të nisin lulet me dalë.
Qatëhr' Shefijen e kemi marrë.
Ori Shefijw synin w shkrum,
Përmas twje menja po më lun.
Dola në dollap, fluturojshin fllanzat,
Ori Shefije a t'pëlqyen unazat?
Kotlinë-Lumbardh
fq. 24, kënga 28
Po na lusin msitët
---------------------------
Po na lusin msitët,
Neve me rixhá,
Po e dinë msitët,
Se këtu ban sefá.
Se ku asht sefaja,
Se ku rrin nen hije.
Po e dinë ato qerreta,
Me pesë lirshe në qafë.
Moj nuse, moj Hajrije,
Me të marrë zotnija,
Mori ty t´ka hije.
Stagovë
fq. 34, kënga 54
Po na thojnë për nuse
--------------------------------
Po na thojnë për nuse, n'at' anë, e n'ket anë,
Syret e kena gjalin, syret kena me zanë'
Begracë
fq. 16, kënga 5
Rrehin dy sakica nihen në zabel
--------------------------------
Rrehin dy sakica nihen në zabel,
Të kena zanë nuse o Fatmir dilber!
I kemi zanë djalit, këtij lule dylberit,
I kena zanë nuse në midis të shehrit.
Mori vëllait tonë lule dylberi.
Na ka dalë nusja e bardhë si sheqer.
Kena Fatmir Agën si nusja me tel,
Nusja e Fatmir Agës, si anije me vel.
Dërmjak
fq. 27, kënga 35
Sebahatin kur e pashë në çeshme
--------------------------------
Sebahatin kur e pashë në çeshme,
Për Remzin thashë kana e heshme.
Ky Hazbija burrë ish kanë,
Meniherë çikën na e ka dhanë,
Sot e diel, nesër e hanë,
Ven Hasani, ben nishan.
Kur na erdh marhama rreth qarshijës,
Na i plasi anmiqtë e shpijës.
Kaçanik
fq. 23-24, kënga 27
Shkon tërma Bujar Aga dranafill kadife
--------------------------------------------
Shkon për udhë Bujar Aga, dranafill kadife,
Çika nuk e kishte renin ti shkove e lipe.
Nuk e lipa une çikën me ma dhanë sot,
Ne t'ma ape çika besën, e pres një motmot.
Nuk e lipa unë çikën me ma dhanë sivet,
Ne t'ma ape çika besën, e pres nja dy vet.
Shtraza - Guriziu
fq. 22, kënga 22
Ta kërkojna katunin me ballana
--------------------------------
Ta kërkojna katunin me ballana,
Nuse Fadil Agës do t'i Zajna.
Pare do t'i çojna, tre rena dukat,
Ani baje oj nuse po të ka hije.
Tre rena në qafë, e dy në krye.
Dubravë-Lirishtë
fq. 19, kënga 14
Veshe çiko ni skutaqe kejt me krana teli
--------------------------------
Veshe çiko ni skutaqe kejt me krana teli
Ti epëm moj nana jeme te Remzi dilberi,
Unë të ap moj bij' e nanës, po ai nuk të lipë,
Se asht gjalë me shkollë moj bijo, kollaj s'begenisë.
Unë të ap moj bij' e nanës, po ai nuk të merrë,
Se asht gjalë me shkollë moj bijo, kollaj nuk pëlqen.
Kotlinë-Lumbardh
fq. 19, kënga 16
Veshe çiko skutaqën me flutra
------------------------------------------
Veshe çiko ni skutaqe, skutaqën me flutra,
Hajde merrëm Naim Aga se jam ma e bukra,
Se jam ma e bukra shko e kallxoj babës,
Çomi shkust Naim Aga tri ditë para javës.
Se jam ma e bukra, shko e kallxoj nanës,
Çomi shkust Naim Aga tri ditë para t'hanës.
Glloboçicë-Qafëshqipe
fq. 19, kënga 15
Veshi çika ni skutaqe dimijat mavi
--------------------------------
Veshi çika ni skutaqe dimijat mavi,
Nanës edhe babës u kam ba be,
Kur ja bana ben' babës më niti kojshija
Epëm nanë te Hazbi Aga të don perendija.
Kurja bana ben' nanës, më niti alemi,
Epëm nanë te Hazbi Aga nuk të gjeg xhenemi.
Kotlinë-Lumbardh
fq. 20, kënga 17
Vishe skutaqën bajraklije
--------------------------------
Vishe skutaqën bajraklije
Ber ma teposht se t'ka hije,
Ber ma teposht ka mahalla shpesh!
Si po hec dilberi sërbes. sërbes,
Mos i zini besë oj budalle,
Se jau mush krat me hall-halle.
Veshe skutaqën me krana,
Se nuk më apin te Eset Aga,
Edhe unë babës do t'ja ruj,
Kur të deke nuk e laj me uj',
Nuk e laj me uj' ta laj me raki,
Le ta marr derri malin, le t'bahet thi.
Kotlinë - Lumbardh
fq. 18, kënga 11
