Asdreni: Lufta botës

Lufta botës

Pa pik’ mëshire derdhet gjak ushtari,

Lumenj e fusha me të kuqe ngjyhen,

Kurorë e shqeptra bashkë me fronet ari

Me dorë vetë mbretërit i lyen.

Përmbysen tempuj e shtatore thyhen

Rrënime në çdo rrugë flagë zjarri,

Si gojë ferri hapet gojë varri

Tek hyjnë ata si bishat kot q’u shqyen!

Se ç’gjënë e prishje botës që i vu tmerrin:

Të vejat zi po mbajnë pa pushuar

Për famën s’di të kujt fitimn’ e nderin!

... Por fama ësht për sa që s’kanë vuar

Dhe nderi po s’kuptoj kujt i ka hije;

Kur plumbi korr e korr pa fund urije!

1914-1918

Asdreni

Burimi: Gazeta "Shqiptarja.com" 12.11.2013